كــــراكيــب
شــارده ..فــ بعد جديد فــ الكون
مزحـوم البعد بكراكيـبـها
إيه هتخلّى؟ إيه هتشيل؟
لو محتاجه ترتب حاجه
مش هتلاحق ع التفاصيل
ترتيبها قلـّيـل
والجايـــزتيجي ترتـب
يتفشكل كل التنظيم
والتصميم المتقن جداً ..والعشوائـي
لمساحـة أفكار .. يتدمّر
فــ توشوش نجمـه معديّـه
طب ليه الأفكار تتستـف ؟
رغم إنها فـ أساس اللعبه
منتشره فـ حدود الساحه
والمتعوّد ع الحريـّه
ليــه يتكتف ؟؟ليـه نرميـه ع القضبان ؟
وتفرتكـه عجلات الـــ .. قهــر
ممـدود فيهــا دروب العجز
وهتلجـأ للإستسهال
مش هتجرب أي تحدّى
ويلمع فكر عقيم يقنعهـا
إن الأمر فــ أصلـه مــُحال
حتى إن كانت شعـره بتفصل
بين تحقيق الأمر
ولكن ..أبواب التفكير
تربّـسها العزم الصفر
ونهايـة تفاصيلهـا الشارده
الكراكيــب
تفضل كـراكيــب
..
مـي نجيب
25/7/2008
skip to main |
skip to sidebar
2 comments:
تسلم ايديكى على الكلام الجمــــــــــيل اوى
والى الامام على طول
شكراً ليك يارب تتكرر الزياره دوماً
Post a Comment